Поглед:
3
Четири силни експлозии се слушнаа утринава во центарот на Киев: на лице место известија новинари од новинската агенција АФП. Експлозиите се случиле околу 8:15 часот по локално време (7:15 часот во Македонија).
Експлозии имало утринава и во други градови во Украина: во Житомир (запад), Хмелницки (запад), Днипро (исток) и Тернопил (запад) и во Лавов (запад), освен оние во главниот град.
Kyiv was reportedly targeted by Russian strikes this morning, multiple explosions were seen. pic.twitter.com/BC3VCWgiIJ
— OSINTtechnical (@Osinttechnical) October 10, 2022
Централните улици на Киев се затворени за сообраќај, а возовите на сите линии на метрото се откажани по рускиот напад со проектили врз главниот град.
Осум мртви и 24 ранети. Ова е билансот на загинати од рускиот ракетен напад врз Киев утринава според Ростислав Смирнов, советник на украинскиот министер за внатрешни работи. Како последица на нападот, шест автомобили се запалиле, а уште 12 биле оштетени.
„Еден од проектилите што го погодија Киев падна во близина на канцеларијата на украинскиот претседател Володимир Зеленски“, пишува руската државна агенција Риа Новости.
Во мѓувреме, доаѓа и веста дека рускиот претседател Владимир Путин денеска ќе се сретне со Советот за национална безбедност во Москва за да разговара за одговорот на, како што рече, „терористичкиот напад“ врз мостот Керч, соопштија од Кремљ.
