Берзата во Токио ја заврши денешната трговска сесија повисоко по петдневниот пад, бидејќи инвеститорите ја надминаа загриженоста за негативните ефекти од промената на политиката на Банката на Јапонија објавена претходно во текот на неделата.
Никеи-225 додаде 120,15 поени, или 0,46 отсто, на 26.507,87.
Поширокиот индекс Topix порасна за 14,85 поени, или 0,78 отсто, на 1.908,17.
На главниот пазар најголем раст забележаа компаниите од секторот недвижности, рударство и транспортна опрема.
Јенот зајакна во однос на доларот по падот на приносите на долгорочните државни обврзници на САД.
Напладне време во Токио, 1 долар се тргуваше по 131,78-79 јени, во споредба со 132,43-53 јени во Њујорк и 131,75-78 јени во Токио вчера.
Еврото се тргуваше за 1,0627-31 долари и 140,04-11 јени, во споредба со 1,0601-11 јени и 140,36-46 јени во Њујорк и 1,0632-34 долари и 140,09-13 јени во Токио вчера.
Волстрит синоќа се затвори повисоко поради добрите податоци за довербата на потрошувачите.
Dow Jones Industrial Average порасна за 526,74 поени, или 1,50 отсто, на 33.376,48.
Поширокиот Standard & Poor’s 500 додаде 56,82 поени, или 1,49 отсто, на 3.878,44.
Технолошкиот Nasdaq доби 162,26 поени, или 1,54 отсто, на 10.709,37.
Фјучерсите за денес укажаа на континуиран раст.
