Поглед:
6
Претседателот на Гвинеја-Бисао, Умаро Мохтар Сисоко Ембало изјави дека рускиот претседател Владимир Путин побарал од него да достави порака до Зеленски за важноста на директниот дијалог меѓу Москва и Киев.
Ембало го откри ова на заедничката прес-конференција со Зеленски во Киев, еден ден по средбата со Путин.
„Драг мој брате, вчера бев во Русија со претседателот Владимир Путин, кој ме замоли да ви пренесам порака, да разговарам со вас, имајќи предвид дека директниот дијалог е многу важен за нашите идни заеднички акции“, рече Ембало.
Снимката од прес-конференцијата е објавена на Телеграм профилот на Зеленски, преведена на украински. Претседателот на Гвинеја-Бисао откри и дека се гледа себеси како „носител на одредени импулси“ кои придонесуваат за обновување на односите меѓу Русија и Украина.
Пред средбата со Зеленски, Ембало им рече на новинарите дека верува дека Путин е „многу отворен за преговори со претседателот Зеленски“ и дека со нетрпение очекува „да му ја пренесе оваа добра волја“ на украинскиот лидер.
Зеленски, одговарајќи на прес-конференцијата на изјавите на Ембало, рече дека за да се градат мостови меѓу земјите, „не треба да се крева инфраструктурата во воздух“.
Украинскиот лидер исто така рече дека секој разговор подразбира почитување на една со друга земја, почнувајќи од почитување на „нејзиниот територијален интегритет, суверенитет и граници“.
