Од денеска корисниците на централното греење ќе треба да потпишат нови договори со ЕСМ снабдување ДООЕЛ Скопје, информираше помошник-директорката за производство од АД ЕСМ, Александра Маројевиќ.
-Се повикуваат корисниците на централното греење на нашиот систем да се обратат до пунктовите, кои се на истото место, за да почне регулирањето на нашите односи со потпишување договори за снабдување со топлинска енергија, како и сите други барања што произлегуваат од оваа услуга – изјави Маројевиќ.
Таа нагласи дека топланите и дистрибутивната мрежа се 100 отсто функционални, односно кај нив не се евидентирани никакви дефекти. При тоа, појасни дека секој почетокот на грејната сезона е период кога се јавуваат многу дефекти во потстаниците, како и кај внатрешните инсталации во домовите на потрошувачите.
