Поглед:
12
СООПШТЕНИЕ ЗА ЈАВНОСТ од партијата Македонски Концепт, го пренесуваме во целост:
05 ДЕКЕМВРИ 2022 ГОДИНА
МАКЕДОНСКИ КОНЦЕПТ СО ПОДДРШКА НА ИНИЦИЈАТИВАТА НА САД ЗА БОРБА СО КРИМИНАЛ И КОРУПЦИЈА ВО МАКЕДОНИЈА
Политичката партија Македонски Концепт со внимание ги следи последните случувања со наводната борба со криминал и корупција во земјава.
Единствено освежување во таа досега квази битка е иницијативата на САД, кои преку нивната амбасада во Скопје даваат нов импулс и ветуваат нови иницијативи за сузбивање на корупцијата и организиран криминал на највисоко ниво.
Македонски Концепт ја поздравува американската иницијатива во таа насока, со сугестија вниманието на акцијата да се фокусира на врвот на МВР и политичките елити во земјава, од каде извира енормна корупција и се организира тој криминал.
Ние како држава, за жал не покажавме капацитети да се избориме со криминалното ропство под кое пишти нашиот народ, а секоја надворешна помош за наше ослободување е добредојдено, особено кога доаѓа од земја пријател и докажан македонски партнер како САД.
Искажуваме надеж за системско решение и изградба на национални капацитети, сами без надворена поддршка, да се бориме со оваа наша најтешка болест во иднина.
Тим за комуникација со јавност, Македонски Концепт
