Цела држава денеска е во портокалова алерт фаза поради силен ветер кој на места ќе достигне и брзина од 90 километри на час.
Денес времето ќе биде променливо облачно и многу студено, локално ќе провејува слаб снег и ќе дува силен северен ветер (над 80 км/час, а на планините и над 90 км/час).
Потоа во следните денови ќе се задржи стабилно, студено и ветровито време со минимални температури и под -10 степени, а наместа и дневните ќе бидат под нула.
ВРЕМЕТО УТРЕ
Променливо облачно со сончеви периоди и многу студено. Ќе дува умерен до засилен ветер од северен правец, најизразен долж Повардарието. Во Скопје променливо облачно и многу студено со сончеви периоди. Ќе дува засилен северен ветер.
