Македонија ја снемува на списокот на држави со универзитети рангирани меѓу првите 2000, но затоа пак, полека се појавуваат универзитетите во Црна Гора, Тирана, па и Косово.
Вака на својот Фејсбук профил пишува професорот Ивица Милевски.
Според него, ваквата поразувачка информација следува „благодарение“ на извонредните политики на досегашните Влади кон високото образование.
„И така, благодарение на извонредните политики на досегашните влади кон високото образование, успешните внатрешни стратегии на нашите универзитети, добрата и праведна селекција на кадри, заедно со нивната висока посветеност и мотивираност, Македонија ја снемува на списокот на држави со универзитети рангирани меѓу првите 2000. Затоа пак, полека се појавуваат универзитетите во Црна Гора, Тирана, па и Косово. Ама па на кој му е гајле, важно ние да си блескаме сами за себе 🙂“, пишува Милевски.
