Претседателот на општинската организација на СДСМ Битола, Драган Крајовски прв се обрати вечерва на партиската трибина во Центарот за култура. Тој рече дека локалната самоуправа ништо не направила, туку само се фалела со проекти оставени од претходната локална самоуправа предводена од СДСМ.
„Утре да се случат избори, СДСМ во Битола ќе победи. СДСМ смета на вас и вие може да сметате на Битола“, рече на крајот од својот говор Крајовски обраќајќи се кон лидерот на партијата Димитар Ковачевски.
Инаку во Битола вечерва се и голем дел до министрите од СДСМ во Владата на Ковачевски.
Кандидатот на ВМРО-ДПМНЕ во Битола ја презеде општината со убедлива победа од 2.730 гласови пред ривалот од СДСМ, Христо Кондовски на последните локални избори.
