По „криптозимата“ во која се случија низа скандали, банкроти и пад на цената од скоро 77 отсто, изворната криптовалута конечно достигна нов врв на 5. март, надминувајќи ја волшебната граница од 69.000 долари (тогаш достигна вредност од 69.191,95 долари, а претходниот рекорд беше 68.991,85 долари на 10 ноември 2021 година).
Во вторникот токенот за првпат скокна и над 72.000 долари, поточно на 72.165 долари. Зголемен интерес за купување биткоини во последниот период има и во Македонија.
Вкупниот обем на тргување со биткоин во последните 24 часа изнесува 50,29 милијарди евра, значително поголем од вообичаениот промет.
Индексот на страв и алчност (Fear and Greed Index) поврзан со биткоинот денес е на ниво од 81 во категоријата „екстремна алчност“, што значи дека инвеститорите се уште се многу оптимисти за понатамошниот раст на биткоинот.
Вредноста на итриумот (ETH) се зголеми за 0,29 отсто на 3.702,15 евра, а вредноста на бинанс монетата (BNB) за 2,32 отсто на 484,92 евра.
Биткоин, итриум и Рипл (XRP) се најтргувани денес. Криптовалутите AMP, METIS и CLV моментално бележат најголем раст денес.
