Поглед:
13
Во предизборната кампања за локалните избори во јавноста испливаа информации дека Данела е всушност кандидат диригиран од Груевски. Колку е тоа вистина , сеуште нема официјална информација во јавноста. Можеби во сегашната „војна“ помеѓу Мицкоски и Данела стои токму тој, Никола Груевски.
Од градската организација на СДСМ тогаш го објавија следното:
Почесната конзулка од Унгарија, Данела Арсовска е кандидат на Никола Груевски и ВМРО-ДПМНЕ, кои го создадоа урбанистичкиот хаос во Центар и во Скопје, заради интересите на урбаната мафија на Груевски.
Данела Арсовска станува менаџерка на спортската Сала Расадник токму кога Никола Груевски е министер за финансии. Како резултат на нејзиното катастрофално менаџирање, спортската сала Расадник пропаѓа.
„Центарци и скопјани многу добро паметат кој го уништуваше модерно Скопје заради изградба на „барокно Скопје”.
Центарци и скопјани многу добро паметат кој го уништуваше зеленилото во Скопје и шумите на Водно заради изградба на хациенди на плацовите на Груевски и неговите урбани мафијаши. Центарци и скопјани многу добро знаат зошто криминалното ВМРО-ДПМНЕ нема свои кандидати во Центар и Скопје.
Трагите од криминалите на ВМРО-ДПМНЕ во Центар се сеуште видливи и свежи, и затоа Наташа Котлар ќе биде уште еднаш поразена од Герасимовски во општина Центар.
Скопјани многу добро знаат дека урбаната мафија на Груевски го уништи модерно Скопје со мегаломанскиот проект на Груевски „Скопје 2014″.
