Бум на социјалните мрежи од фотографии на кои се гледаат траги од авиони на небото. Луѓето се загрижени дали се резултат на хемиско прскање.
Трагите од авиони на небото се секојдневие, а теоретичарите на заговор на Chemtrail веруваат дека на тој начин се распрснуваат отровните хемикалии.
„Утрото имаше решетка над Скопје! Мислам дека прскаа во раните часови, околу 4-5 сабајле“, „Утре ќе прскаат мозоци! Излезете масовно“ се само дел од коментарите на социјалните мрежи.
Научниците велат дека трагите што ги оставаат авионите не се отрови, туку траги од кондензација.
„Тоа се облаци од микроскопски ледени кристали на височини од повеќе од 6-8 километри, каде што прелетуваат цивилни авиони. Над Бугарија поради војната во Украина и над Романија сообраќајот кај нас е зголемен, но нема ништо опасно“, вели синоптичар за 4NEWS.mk
По некои авиони, „опашките“ исчезнуваат за неколку минути, додека други остануваат долго време. Рекордот е 18 часа. Причината лежи во брзината на ветерот, атмосферскиот притисок и температурата.
