Поглед:
5
Во северниот дел на Косовска Митровица започна митинг, по одлуката на градоначалниците на четири општини со мнозинско српско население на северот на Косово, советници, претставници, министри во косовската влада, судии, обвинители и припадници на косовската полиција да поднесуваат неотповикливи оставки.
Митингот започна со химната „Божја правда“ во изведба на црковниот хор Бранислав Нушиќ.
Како што известуваат српските медиуми, митингот се одржува пред споменикот на Цар Лазар, а најавено е дека оттаму „едногласно ќе им кажат на Европа и на светот“ дека единствена земја им е Србија и претседателот Александар Вучиќ.
„Да покажеме колку ја сакаме Србија. Знамиња на прозорците“, беше напишано претходно на Фејсбук профилот на Српската листа.
Голем број српски знамиња, како и транспаренти „Ова е Србија“, се закачени на улиците, прозорци и тераси на куќи и станови во Северна Митровица, Звечан, Лепосавиќ и други градови на северот на Косово, а знамиња се делат и на минувачите во Митровица.
