Поглед:
20
Американските производители на нафта заработиле повеќе од 200 милијарди долари профит од избувнувањето на војната во Украина, според „Фајненшл тајмс“.
Според авторот на написот, тие заработуваат од периодиот на геополитички настани што го потресоа светскиот енергетски пазар и доведоа до нагло поскапување.
Според аналитичкиот извештај на американската агенција S&P Global Commodity Insights, вкупната нето добивка на нафтените и гасните компании кои работат во САД изнесува 200,24 милијарди долари во вториот и третиот квартал од годината.
Оваа бројка ги означува досега најпрофитабилните шест месеци во индустријата.
S&P очекува рекордна заработка во индустријата до крајот на годината.
Оваа недела, американскиот претседател Џо Бајден ги обвини нафтените компании дека заработуваат од украинската криза, пишува „Фајненшл тајмс“.
Претходно, прес-службата на Белата куќа објави соопштение на својата веб-страница во која се наведува дека Бајден изразил разочарување од одлуката на земјите од ОПЕК + да го намалат производството на нафта. Истовремено, тој го задолжи министерот за енергетика да ја проучи можноста за зголемување на обемот на производството.
