Поглед:
1
Кинеското Министерство за надворешни работи ги повика своите граѓани да ја напуштат територијата на Украина поради „зголемената безбедносна ситуација“, објави на Твитер кинескиот државен весник „Глобал тајмс“.
„Со моменталната мрачна безбедносна ситуација во Украина, кинеското Министерство за надворешни работи и кинеската амбасада во Украина ги повикуваат кинеските граѓани во земјата да ги зголемат мерките на претпазливост и да се евакуираат“, пишува Глобал тајмс.
Споменатиот весник наведува дека кинеската амбасада во Киев е подготвена да пружи помош во организирањето на поаѓањето, а кинеските граѓани кои се во Украина треба што поскоро да се обратат до амбасадата и да ги регистрираат своите лични податоци.
Извештајот на Глобал тајмс не ја споменува потенцијалната нуклеарна закана, но забележува дека тензиите во Украина „ескалирале на ново ниво“.
Ова предупредување доаѓа откако кинеската амбасада во Украина во вторникот веќе ги повика своите граѓани „да не остануваат на територијата на Украина освен ако тоа не е неопходно“ и „да ја напуштат земјата што е можно поскоро“. Последниот повик до кинеските граѓани дефинитивно да ја напуштат Украина, со конкретни инструкции како да го сторат тоа, значи дека Пекинг оценил дека безбедносната ситуација во Украина рапидно се влошува во последните денови или дека ќе ескалира.
„Кина им порача на своите граѓани во Украина веднаш да ја евакуираат земјата, предизвикувајќи стравувања дека е неизбежен нуклеарен напад“, се наведува во порталот „Азија пазари“.
Згора на тоа, споменатиот портал наведува дека голем број други земји блиски до Русија и се придружиле на Кина и ги повикале своите граѓани итно да се евакуираат од Украина. Покрај петте поранешни советски републики од Централна Азија (Казахстан, Киргистан, Таџикистан, Туркменистан и Узбекистан), тоа го сторија и Белорусија, Египет и Србија, додека Казахстан и Србија исто така ги затворија своите амбасади во Киев.
Ваквите координирани потези на неколку земји кои се блиски до Русија предизвикаа бројни шпекулации дека во Украина се подготвува нова ескалација:
„Казахстан ја затвора својата амбасада. Киргистан, Узбекистан, Туркменистан и Србија веќе им порачаа на своите граѓани да ја напуштат Украина. Забележувате, сите овие земји се руски сојузници. Што се случува?“, напиша на Твитер долгогодишниот новинар и дописник на Ал Џезира Балкан од Вашингтон, Ивица Пуљиќ.
Се уште нема одговор.
