Премиерот Димитар Ковачевски денеска на прес-конференција информира дека еврокомесарот Оливер Вархеји претставил позитивен извештај на ЕК за Северна Македонија.
-Во сите обласи земјата има постигнато напредок во изминатата година и најважно почнавме преговори со ЕУ. Ова е прв извештај во историјата, каде опозицијата е полошо оценета од Владата. Немало таков извештај до сега. Тоа е затоа што блокадите на Собранието не се предизвикани од Владата, туку од опозицијата од чисто политички прашања. Тоа се прави во последните две години и тоа е нотирано во самиот извештај, рече Ковачевски како одговор на новинарско прашање.
Тој побара од сите пратеници и политички партии заедно и обединето да се справат со предизвиците и енергетската и економската криза.
-Извештајот за идната година ќе биде уште подетален, оти ќе се работи за извештај од објаснувачкиот и билатералниот скрининг, информира Ковачевски.
Премиерот уште еднаш повтори дека верува дека можеме да бидеме дел од ЕУ до 2030 година.
